Antifiriz ishlab chiqarish liniyasi

Ishlab chiqarish jarayoni: Suvni filtrlab olish - barcha xom-ashyolarni aralashtirish - aralashmani qaynatish - mahsulotni qadoqlash - sotuvga tayyor Ishlab chiqarish uskunalar ro`yxati: 1. Suvni qayta ishlash uskunalar to`plami 2 T/soat 2. Emultsion reactor uskunasi 3. Avtomatik to`rt boshli to`ldirish-qadoqlash uskunasi 4. Avtomatik qopqoq yopib berish uskunasi 5. Avtomatik sana qo`yish printeri 6. Avtomatik yopish uskunasi 7. To`plam qilib qadoqlash uskunasi Demak endi uskunalarning to`liq xarakteristikalari bilan tanishib chiqsak ham bo`ladi.

Suvni tozalash uskunalari

Demak, eng birinchi bosqichni antifriz uchun kerak bo`ladigan suvni tozalab olishdan boshlaymiz. Albatta, sifatli toza suv yuqori sifatli antifriz ishlab chiqarishga yordam beradi. Buning uchun bizga suv filtrlar va distillash uskunalari kerak bo`ladi. Quyidagi rasmda barcha uskunalarni ko`rishingiz mumkin. O`ngda ikki xil filtr, tarozi, teskari osmosli filtr va suv tanker. Suvni tozalash uskunalarining barchasi shu rasmda aks topgan.

Kvarts qumli filtr

Ushbu filtr suv tarkibidagi ortiqcha organik moddalar va qattiq qorishmalar (qum-tosh)ni ushlab qolish uchun mo`ljallangan.  

Aktiv ko'mirli filtr

Toza suv tarkibidan organik moddalar, xlor ionlari va xromni olib tashlab tozalab beradi. Bu filtr, asosan, kimyoviy moddalarni ushlab qolish uchun mo`ljallangan.

Emultsion reaktor 4ta

Emultsion reaktorning vazifasi barcha xom-ashyo va suvni ma`lum bir darajada ushlab turib, aralashtirib berishdan iborat. Uskuna vakuum holatda ishlagani tufayli yuqori kuchlanish va bosimni talab qiladi. Barcha qismlari zanglamas metall SUS 304 dan yasalgan.

Avtomatik to'rt boshli to'ldirish uskunasi

Uskuna to`liq avtomatlashtirilgan bo`lib, hech qanday inson omili qatnashmaydi. Idishlar maxsus konveyor asosida uskunaga yo`naltiriladi. Uskunada 4 ta quyish liniyasi bo`lganligi tufayli ishlab chiqarish tezligi oshadi. PLC ekran orqali ishlab chiqarish jarayonini osongina boshqarish mumkin.

Qopqoq yopish uskunasi

Navbatdagi uskuna idishlarning qopqog`ini yopib beradi. Bir vaqtning o`zida 4ta idish bilan ishlay oladi. Katta hajmli idishlar bilan ham ishlay oladi.

Lazerli markirovka uskunasi

Qopqoq yopilgandan so`ng konveyor idishlarni avtomatik ravishda keying uskunaga – lazerli markirovkaga yetkaziladi. Uskuna balandligi 1 sm dan baland yozuvlarni ham idish yuzasiga tushirib berishi mumkin.  

Yorliq yopishtirish uskunasi

Yuqoridagi uskuna esa plastik va boshqa turdagi idishlar yuzasiga maxsus tayyorlangan yorliqlar (etiketkalar)ni yopishtirib beradi.

To'plam qilib qadoqlash uskunasi

Uskunaning vazifasi qutilarni qadoqlab berishdan iborat, ya`ni ularni ochiq qismini yopib beradi. Qadoqlash o`lchamlari: Uzunligi 150-500 mm Kengligi 150-500 mm Balandligi 120-500 mm